• bnew2
  • bnew3
  • bnew4
  • bnew5
  • bnews1
Slider Bootstrap by WOWSlider.com v5.0

PDF Print E-mail

  User Rating: / 0                      PoorBest 
അഭയാര്‍ത്ഥികളെ തടയാന്‍ ഈജിയന്‍ കടലില്‍ നാറ്റോ നാവികസേന.
M.J.Francis  |  Friday, 12 February 2016 01:33
altഅഞ്ചുവര്‍ഷമായി തുടരുന്ന സിറിയന്‍ ആഭ്യന്തരയുദ്ധത്തില്‍ നിന്നും ഐഎസ് ആക്രമണത്തിലും നാടുവിട്ടോടുന്ന കുടിയേറ്റക്കാരെയും അഭയാര്‍ഥികളെയും തടയുവാന്‍ ഈജിയന്‍ കടലില്‍ പട്രോളിംഗിനു നാവികക്കപ്പലുകള്‍ അയയ്ക്കാന്‍ ബ്രസല്‍സില്‍ ചേര്‍ന്ന നാറ്റോ പ്രതിരോധമന്ത്രിമാരുടെ യോഗം തീരുമാനിച്ചു. രണ്ടാം ലോകമഹായുദ്ധത്തിനു ശേഷമുള്ള ഏറ്റവും വലിയ അഭയാര്‍ഥി പ്രവാഹത്തിനു യൂറോപ് സാക്ഷ്യം വഹിക്കുന്ന പശ്ചാത്തലത്തിലാണു നാറ്റോ യോഗം ചേര്‍ന്നത്. കഴിഞ്ഞവര്‍ഷം മാത്രം പത്തുലക്ഷം അഭയാര്‍ഥികള്‍ വിവിധ രാജ്യങ്ങളില്‍നിന്ന് യൂറോപ്പിലെത്തി. കൂടുതലും സിറിയയില്‍നിന്നുള്ളവരാണ്. സിറിയയില്‍നിന്നുള്ള അഭയാര്‍ഥികള്‍ ആദ്യം എത്തുന്നതു തുര്‍ക്കിയിലാണ്. അവിടെനിന്നു ബോട്ടുകളില്‍ ഈജിയന്‍ കടല്‍ കടന്ന് ഗ്രീസിലെത്തിയശേഷം യൂറോപ്പിലെ വിവിധ രാജ്യങ്ങളിലേക്കു പോകുന്നു. പശ്ചിമേഷ്യ, ഉത്തരാഫ്രിക്ക എന്നിവിടങ്ങളില്‍നിന്നുള്ള അഭയാര്‍ഥികളും യൂറോപ്പിലേക്കു പോകുന്നുണ്ട്. സുരക്ഷിതമല്ലാത്ത ബോട്ടുകളില്‍ ഇവരെ എത്തിക്കുന്നതു പലപ്പോഴും മനുഷ്യക്കള്ളക്കടത്തുകാരാണ്. യുദ്ധക്കെടുതിയില്‍നിന്നു രക്ഷപ്പെട്ടു പലായനം ചെയ്യുന്ന പാവങ്ങളെ ചൂഷണം ചെയ്യുന്ന ക്രിമിനല്‍ സംഘങ്ങള്‍ ഈ മേഖലയില്‍ പ്രവര്‍ത്തനം ശക്തമാക്കിയിരിക്കുകയാണെന്ന് യുഎസ് പ്രതിരോധ സെക്രട്ടറി ആഷ് കാര്‍ട്ടറും, മനുഷ്യക്കടത്തുകാരെ നേരിടുന്നതിനു സത്വര നടപടിയെടുത്തേ മതിയാവൂ എന്ന് ജര്‍മന്‍ പ്രതിരോധമന്ത്രി ഉര്‍സുല വോണ്‍ ഡെര്‍ ലെയിനും പറഞ്ഞു. തുര്‍ക്കിയില്‍ എത്തുന്ന അഭയാര്‍ഥികളെ യൂറോപ്പിലേക്കു വിടാതെ സംരക്ഷിക്കുന്നതിന് തുര്‍ക്കിക്ക് 340കോടി ഡോളറിന്റെ സഹായം നല്‍കുന്നതിനു യൂറോപ്യന്‍ യൂണിയന്‍ സന്നദ്ധത പ്രകടിപ്പിച്ചിട്ടണ്ട്. ഇതേസമയം റഷ്യന്‍ വ്യോമാക്രമണത്തെത്തുടര്‍ന്ന് ആലപ്പോ നഗരത്തില്‍നിന്നു കൂട്ടപ്പലായനം ചെയ്തവര്‍ക്ക് അതിര്‍ത്തി തുറന്നുകൊടുക്കുന്ന കാര്യം പരിഗണിക്കുമെന്നു തുര്‍ക്കി വ്യക്തമാക്കി. ആയിരങ്ങളാണ് ആലപ്പോ വിട്ടോടിയത്. സിറിയന്‍ ആഭ്യന്തര കലാപത്തില്‍ ഇതിനകം നാലുലക്ഷത്തിലധികം സിറിയക്കാര്‍ കൊല്ലപ്പെട്ടുകഴിഞ്ഞതായണ് കരുതുന്നത്. യുദ്ധത്തിന്റെ അനന്തരഫലമായ പട്ടിണിയും ജലക്ഷാമവും ആരോഗ്യപ്രശ്‌നങ്ങളും 70000 പേരുടെ ജീവനും അപഹരിച്ചു. സിറിയയിലെ മൊത്തം ജനസംഖ്യയുടെ 11 ശതമാനമാണ് ഇപ്രകാരം മരിച്ചതെന്ന് ഗാര്‍ഡിയന്‍ പത്രം റിപ്പോര്‍ട്ടു ചെയ്യുന്നു യുദ്ധത്തില്‍ പരിക്കേറ്റവരുടെ എണ്ണം 19ലക്ഷമാണ്. യുദ്ധംമൂലമുള്ള സാമ്പത്തിക നഷ്ടം 25500കോടി ഡോളര്‍ വരുമെന്നും വിലയിരുത്തപ്പെടുന്നു.