• bnew2
  • bnew3
  • bnew4
  • bnew5
  • bnews1
Slider Bootstrap by WOWSlider.com v5.0

PDF Print E-mail

  User Rating: / 0                      PoorBest 
ഇറോം ശര്‍മിള 16 വര്‍ഷമായി നടത്തിവന്ന നിരാഹാര സമരം അവസാനിപ്പിച്ചു.
M.J.Francis  |  Wednesday, 10 August 2016 09:21

altസൈന്യത്തിനു പ്രത്യേക അധികാരം നല്കുന്ന ആംഡ് ഫോഴ്‌സസ് സ്‌പെഷല്‍ പവേഴ്‌സ് ആക്ട്(അഫ്‌സ്പ) പിന്‍വലിക്കണമെന്നാവശ്യപ്പെട്ട് ഇറോം ചാനു ശര്‍മിള എന്ന മണിപ്പൂരിന്റെ ഉരുക്കുവനിത 16 വര്‍ഷമായി നടത്തിവന്ന നിരാഹാര സമരം അവസാനിപ്പിച്ചു.

2000 നവംബര്‍ രണ്ടിന് ഇംഫാലിലെ മാലോമില്‍ ബസ് സ്റ്റോപ്പില്‍നിന്ന 10 പേരെ ആസാം റൈഫിള്‍സ് നടത്തിയ വെടിവയ്പില്‍ കൊല്ലപ്പെട്ടതിനെത്തുടര്‍ന്നാണ് അഫ്‌സ്പയ്‌ക്കെതിരേ ശര്‍മിള നിരാഹാരം തുടങ്ങിയത്. 5757 ദിവസം നീണ്ട നിരാഹാര സമരമാണ് ഇപ്പോള്‍ അവസാനിപ്പിച്ചത്. ലോക ചരിത്രത്തില്‍ തന്നെ അത്യപൂര്‍വ്വ സമരമായിരുന്നു ഈറോം ശര്‍മ്മിള നടത്തിയത്. നിരാഹാരസമരം നടത്തിയതിന് ആത്മഹത്യാപ്രേരണക്കുറ്റം ചുമത്തി നിരവധി തവണ ശര്‍മിളയെ കസ്റ്റഡിയിലെടുത്തിട്ടുണ്ട്. ഒരുവര്‍ഷംവരെ തടവു ശിക്ഷ അനുഭവിച്ചശേഷം പുറത്തിറങ്ങുമ്പോള്‍ വീണ്ടും കസ്റ്റഡിയിലെടുക്കും. ജവഹര്‍ലാല്‍ നെഹ്‌റു ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലെ സെക്യൂരിറ്റി വാര്‍ഡിലാണു ശര്‍മിളയെ പാര്‍പ്പിച്ചിരുന്നത്. ആഹാരം ദ്രവരൂപത്തിലാക്കി നിര്‍ബന്ധിച്ച് കുടിപ്പിക്കുകയായിരുന്നു. അത്യപൂര്‍വ്വമായ ഈ ഗാന്ധിയന്‍ സമരമുറക്ക് ലോകത്തിന്റെ ശ്രദ്ധ നേടുവാനായി. സമര്‍പ്പണ ജീവിതത്തിന് 2005ല്‍ നൊബേല്‍ പുരസ്‌കാരത്തിനായി നാമനിര്‍ദേശം ചെയ്യപ്പെട്ടു. മനുഷ്യാവകാശപോരാട്ടത്തിനു ദക്ഷിണകൊറിയ നല്കുന്ന ഗുവാന്‍ജു പുരസ്‌കാരം 2007ല്‍ ശര്‍മിളയ്ക്കു ലഭിച്ചു.

നിരാഹാര സമരം അവസാനിപ്പിച്ച് സജീവ രാഷ്ട്രീയത്തിലിറങ്ങുമെന്നും ശര്‍മ്മിള വ്യക്തമാക്കി. മണിപ്പൂരിലേത് ചീഞ്ഞളിഞ്ഞ രാഷ്ട്രീയമാണ്. ജനങ്ങള്‍ ഇതിന്റെ ഭാഗമായിക്കഴിഞ്ഞു. മണിപ്പൂര്‍ മുഖ്യമന്ത്രി ഇബോബിയെ താഴെയിറക്കാന്‍ 20 സ്വതന്ത്ര സ്ഥാനാര്‍ഥികളെ ഞാന്‍ ക്ഷണിക്കുകയാണ്. മുഖ്യമന്ത്രിയായാല്‍ ആദ്യം ചെയ്യുക സൈന്യത്തിനു നല്കിയ സ്വേച്ഛാധികാരം എടുത്തുകളയുകയായിരിക്കുമെന്നും നാല്പത്തിനാലുകാരിയായ ഇറോം ശര്‍മിള പറഞ്ഞു.