• bnew2
  • bnew3
  • bnew4
  • bnew5
  • bnews1
Slider Bootstrap by WOWSlider.com v5.0

PDF Print E-mail

  User Rating: / 0                      PoorBest 
കന്നുകാലി കശാപ്പ് നിയന്ത്രണം: ഹൈക്കോടതികള്‍ക്ക് വിത്യസ്ഥ നിലപാടുകള്‍.
M.J.Francis  |  Wednesday, 31 May 2017 11:32
altകന്നുകാലി കശാപ്പിന് നിയന്ത്രണം ഏര്‍പ്പെടുത്തി കൊണ്ട് കേന്ദ്ര വനം പരിസ്ഥിതി മന്ത്രാലയത്തിന്റെ ഉത്തരവ് സൃഷ്ടിച്ച വിവാദങ്ങള്‍ രാജ്യത്തെമ്പാടും തുടരവേ വിത്യസ്ഥ നിരീക്ഷണങ്ങളുമായി ഹൈക്കോടതികള്‍. മനുഷ്യന്റെ പ്രാഥമിക അവകാശമായ ഭക്ഷണകാര്യത്തില്‍ ഇടപെടാന്‍ കേന്ദ്രത്തിന് എന്താണ് അധികാരം എന്ന് ചോദിച്ച് മദ്രാസ് ഹൈക്കോടതി കേന്ദ്രസര്‍ക്കാര്‍ വിജ്ഞാപനം നാലാഴ്ച്ചത്തേക്ക് സ്‌റ്റേ ചെയ്തുവെങ്കില്‍ വിജ്ഞാപനത്തില്‍ മനുഷ്യന്റെ മൗലികാവകാശങ്ങള്‍ ലംഘിക്കുന്നതായി ഒന്നുമില്ല എന്നതായിരുന്നു കേരള ഹൈക്കോടതിയുടെ നിരീക്ഷണം. കന്നുകാലികളെ വീട്ടില്‍ വളര്‍ത്തുന്നതിനോ കൊല്ലുന്നതിനോ വിജ്ഞാപനത്തില്‍ തടസ്സങ്ങളൊന്നുമില്ലന്നും കൂട്ടത്തോടെ ചന്തയില്‍ കൊണ്ടു പോയി വില്‍ക്കുന്നതിനു മാത്രമേ തടസ്സമുള്ളുവെന്നും ചീഫ് ജസ്റ്റീസ് അടങ്ങിയ ഹൈക്കോടതി ബഞ്ച് നിരീക്ഷിച്ചു. എന്നാല്‍ ഒരു പടികൂടെ കടന്ന് പശുവിനെ ദേശീയ മൃഗമായി പ്രഖ്യാപിക്കണമെന്നും ഗോക്കളെ കൊല്ലുന്നവര്‍ക്ക് ജീവപര്യന്തം തടവിനു ശിക്ഷിക്കണമെന്നുമായിരുന്നു ഗുജറാത്ത് ഹൈക്കോടതിയുടെ വിധി. ഇങ്ങനെ തികച്ചും വിത്യസ്ഥമായ സമീപനവും കാഴ്പ്പാടുകളുമായി ഹൈക്കോടതികളുടെ നിലപാടുകള്‍ പുറത്തുവന്നതോടെ കേന്ത്ര നിലപാടിനെതിരെയുള്ള കേസുകള്‍ കൂടുതല്‍ തീഷ്ണമാവുകയാണ്. കേരള ഹൈക്കോടതി വിജ്ഞാപനത്തിനനുകൂലമായ നിലപാടെടുത്തതോടെ കേരള ഗവര്‍മ്മെന്റ് വിഷയവുമായി ഹൈക്കോടതിയെ സമീപിക്കുവാനുള്ള സാഹചര്യം മങ്ങിയിരിക്കുകയാണ്. പകരം നിയമനിര്‍മ്മാണവും നേരിട്ട് പരാതിയുമായി സുപ്രീം കോടതിയെ സമീപിക്കുവാനുള്ള നീക്കത്തിലാണ് കേരളം. കേരളത്തോടൊപ്പം തമിള്‍നാട്, പശ്ചിമ ബംഗാള്‍, കര്‍ണ്ണാടകം, തെലുങ്കാന തുടങ്ങിയ സംസ്ഥാനങ്ങളും സുപ്രീം കോടതിയെ സമീപിച്ചേക്കാം. ഗോഹത്യ ഒരു രാഷ്ട്രീയ വിഷയമായി മാറിയ സാഹചര്യത്തില്‍ പരമോന്നതകോടതിയായ സുപ്രീം കോടതി എന്ത് നിലപാടെടുക്കുമെന്നത് നിര്‍ണ്ണായകമായിരിക്കുകയാണ്.
Last Updated on Wednesday, 31 May 2017 11:44